Кантроль якасці харчавання - залог здароўя механізатараў
31.08.2026Вольга Хацкевіч, старшыня Крупскай раённай прафсаюзнай арганізацыі работнікаў аграпрамысловага комплексу, і Таццяна Астроўская, памочнік урача-гігіеніста РЦГіЭ, правялі чарговы маніторынг выканання санітарна-гігіенічных норм.
Першым аб'ектам праверкі стаў харчаблок кафэ "Слабада" ААТ "Крупскі райаграсэрвіс". Спецыялісты надалі ўвагу прыёму харчовай сыравіны і харчовых прадуктаў – праверылі адпаведнасць суправаджаючай дакументацыі, а таксама ацанілі ўмовы захоўвання прадукцыі. Асаблівая ўвага была ўдзелена захаванню тэрмінаў прыдатнасці і правілам таварнага суседства – гэтыя аспекты адыгрываюць ключавую ролю ў забеспячэнні бяспекі харчавання.
Улічваючы, што ў перыяд уборачнай кампаніі дастаўка абедаў непасрэдна да месца работ – найбольш распаўсюджаная практыка, Вольга Хацкевіч і Таццяна Астроўская праверылі і гэты важны аспект на ЗСК-40. У ходзе маніторынгу дэталёва вывучылі арганізацыю пітнога рэжыму, уладкаванне месцаў для прыёму ежы ў палявых умовах, а таксама ўкамплектаванасць машын для дастаўкі харчавання санітарна-гігіенічнымі прыладамі.
Не засталася па-за ўвагай і дакументацыя персаналу: спецыялісты праверылі наяўнасць у работнікаў медыцынскіх даведак аб стане здароўя, а таксама адзнак аб праходжанні гігіенічнага навучання – гэта абавязковая ўмова для допуску да работы з прадуктамі харчавання.